Պրակտիկա «Ինլայթ» հանրային հետազոտությունների կենտրոնում
Կրթության ոլորտի հանրային հետազոտություն, վերլուծություն և քաղաքականության մշակում
Ընդհանուր տեղեկություն
Փորձնակության անվանում
Պրակտիկա «Ինլայթ» հանրային հետազոտությունների կենտրոնում
Կազմակերպություն / Բաժիններ
«Ինլայթ» հասարակական կազմակերպություն
- Վերլուծական ֆորում
- Բովանդակության բաժին
- «Մետրիկա» նախագիծ
Ձևաչափ
Առցանց / Ճկուն գրաֆիկ
Շաբաթական զբաղվածություն
8–12 ժամ
Տևողություն
1–2 ամիս (նվազագույնը՝ 4 շաբաթ)
Փոխադարձ համաձայնությամբ հնարավոր է երկարաձգում։
Թիրախային խումբ
«Դասավանդի՛ր հանուն Հայաստանի» հիմնադրամի Ուսուցիչների առաջնորդության ծրագրի ուսուցիչներ, շրջանավարտներ և կրթության ոլորտով հետաքրքրված մասնակիցներ, որոնք հետաքրքրված են հանրային հետազոտություններով, վերլուծությամբ և կրթական քաղաքականությամբ։
«Ինլայթ»-ի մասին
«Ինլայթ»-ը հասարակական, ոչ առևտրային, ինքնաֆինանսավորվող կազմակերպություն է, որը որպես ՀԿ գործում է 2016 թվականից, իսկ որպես նախաձեռնություն՝ 2008 թվականից։
Կազմակերպության առանցքային նպատակը հանրային ֆունկցիոնալ մտքի կազմակերպումն է։ Մենք իրականացնում ենք հետազոտություններ, վերլուծություններ և խորհրդատվություններ, ինչպես նաև ծավալում կրթական, թարգմանչական, հրատարակչական և տեղեկատվական գործունեություն։
«Ինլայթ»-ին հաջողվել է միավորել տարբեր մասնագիտական ուղղությունների տասնյակ տաղանդավոր մասնագետների և ստեղծել միջավայր, որտեղ գիտելիքը վերածվում է հանրային արժեքի, իսկ վերլուծությունը՝ ազդեցության։
Փորձնակության ընդհանուր նկարագիր
Պրակտիկայի նպատակն է մասնակիցներին ներգրավել կրթության ոլորտի հանրային հետազոտությունների, տվյալահեն վերլուծության և քաղաքականության ուսումնասիրության մեջ։
Ծրագրի ընթացքում մասնակիցները կսովորեն՝
- ձևակերպել հետազոտական հարցադրումներ,
- գտնել և գնահատել վստահելի աղբյուրներ,
- աշխատել կրթական տվյալների և վիճակագրության հետ,
- վերլուծել կրթական քաղաքականություններն ու բարեփոխումները,
- գրել վերլուծական հոդվածներ և հանրային անդրադարձեր,
- կիրառել արհեստական բանականության (ԱԲ) գործիքներ հետազոտական աշխատանքի արդյունավետության բարձրացման համար։
Ծրագիրը կառուցված է այնպես, որ մասնակիցները համադրեն տեսությունը և պրակտիկան՝ ստեղծելով իրական, հանրային արժեք ունեցող վերլուծական բովանդակություն։
Փորձնակության նպատակները
Ծրագրի ավարտին մասնակիցները պետք է կարողանան՝
Հետազոտական հմտություններ
- Իրականացնել desk research
- Աշխատել առաջնային և երկրորդային աղբյուրների հետ
- Ձևակերպել հետազոտական հարց
- Իրականացնել գրականության ուսումնասիրություն
Վերլուծական հմտություններ
- Համադրել բազմաբնույթ աղբյուրներ
- Բացահայտել օրինաչափություններ և միտումներ
- Մշակել փաստարկված վերլուծություն
- Տվյալների հիման վրա ձևակերպել եզրակացություններ
Հանրային հաղորդակցման հմտություններ
- Գրել վերլուծական հոդվածներ
- Պատրաստել քաղաքականության համառոտագիր (policy brief)
- Կազմել ինֆոգրաֆիկ նյութեր
- Հանրայնացնել գիտելիքը մատչելի ձևով
AI գրագիտություն
- Օգտագործել ԱԲ գործիքներ՝
- գրականության ուսումնասիրության,
- տվյալների ամփոփման,
- գաղափարների կառուցման,
- վիզուալիզացիայի,
- սևագրերի մշակման նպատակով։
Ծրագրի կառուցվածքը
Պրակտիկան բաղկացած է 4 հիմնական բաղադրիչից՝
- Ուսումնական սեսիաներ (Weekly Learning Sessions) Շաբաթական 1–2 թեմատիկ սեսիա բանախոսների մասնակցությամբ։
- Ընթերցանություն և քննարկում (Reading & Discussion) Կրթության ոլորտին առնչվող հոդվածների, հետազոտությունների և քաղաքական փաստաթղթերի ուսումնասիրություն։
- Անհատական և թիմային աշխատանք Հետազոտական, խմբագրական, վերլուծական կամ տվյալահեն առաջադրանքներ։
- Անդրադարձ և արդյունքների ներկայացում Շաբաթական ամփոփում և սովորածի ներկայացում։
Անհատական և թիմային աշխատանքների հնարավոր ուղղություններ
- Վերլուծական նախագիծ
- Հետազոտական նախագիծ
- Թարգմանչական և խմբագրական նախագիծ
- Տվյալահեն վերլուծություն
- Մեդիա/լրագրողական նախագիծ
- Ինֆոգրաֆիկ նախագիծ
- Կրթական թեմատիկ նախագիծ
Վերջնական պրոդուկտներ
Յուրաքանչյուր մասնակից պետք է ստեղծի առնվազն 1 ավարտական պրոդուկտ։
Հնարավոր ձևաչափեր՝
- Վերլուծական հոդված
- Քաղաքականության համառոտագիր (Policy brief)
- LinkedIn հոդված
- Ինֆոգրաֆիկա
- Տվյալահեն հետազոտական ամփոփում
- Թարգմանություն՝ սեփական անդրադարձով
Հիմնարար հմտություններ և որակներ
- G-Suite (Google Docs, Drive, Sheets)
- Գրավոր և բանավոր հաղորդակցություն
- Որոնողական համակարգերի հետ աշխատանք
- Տվյալների հետ աշխատանք
- Քննական մտածողություն
- Սովորելու ցանկություն
- Ստեղծագործ միտք
- Անհատական և թիմային աշխատանքի ունակություն
- Պատասխանատվություն
- Ճկունություն
- Կազմակերպչական հմտություններ
- Նախաձեռնողականություն
Ակնկալիքներ
Մասնակիցներից ակնկալվում է՝
- Ճշտապահություն
- Ժամանակի արդյունավետ կառավարում
- Որակյալ աշխատանքի իրականացում
- Ժամանակին հաղորդակցում
- Բացություն հետադարձ կապի նկատմամբ
- Կառուցողական հետադարձ կապ
- Հարգալից հաղորդակցություն
- Նախաձեռնողականություն
- Հետևողականություն
- Մտածելու և սովորելու համարձակություն
Հանրայնացման պահանջ
Պրակտիկայի ընթացքում ստեղծված առնվազն մեկ պրոդուկտ մասնակիցները հանձնառու են հանրայնացնել իրենց մասնագիտական հարթակներում (օրինակ՝ LinkedIn)՝ նշելով «Ինլայթ» հանրային հետազոտությունների կենտրոնը։
Նպատակն է գիտելիքը դուրս բերել մասնագիտական փակ միջավայրից և այն դարձնել հանրային արժեք։
Գնահատման ձևաչափ
Պրակտիկայի ավարտին իրականացվելու է բազմակողմ գնահատում՝ հիմնված հետևյալ բաղադրիչների վրա՝
- Մասնակցություն
- Շաբաթական անդրադարձներ
- Անհատական և թիմային աշխատանք
- Վերջնական պրոդուկտ
- Կատարողական և աճ
Մասնակիցները կստանան՝
- ամփոփ հետադարձ կապ
- պրակտիկայի տեղեկանք
- հաջող ավարտի դեպքում՝ հավաստագիր
Ծրագրի առանցքային արդյունքը
Ծրագրի ավարտին մասնակիցը պետք է կարողանա կրթության ոլորտում՝
- ձևակերպել հանրային խնդիր,
- հավաքագրել տվյալներ և աղբյուրներ,
- իրականացնել հիմնավորված հետազոտություն և վերլուծություն,
- ներկայացնել արդյունքները հանրային ու մասնագիտական լսարանին հասկանալի, ազդեցիկ և արժեքավոր ձևով։
Այսպիսով, պրակտիկան նպաստում է այնպիսի մասնագետների ձևավորմանը, որոնք ունակ են միավորել կրթական փորձառությունը, հանրային մտածողությունը, հետազոտական կարողությունները և առաջնորդությունը։
Պրակտիկայի հայտադիմում
Դիմելու համար անհրաժեշտ է լրացնել կից հայտադիմումը:
Հայտադիմումի լրացման վերջնաժամկետը՝ հուլիսի 7:
Կոնտակտային անձինք
Նելլի Իրադյան | Փորձնակության ծրագրի ղեկավար | nelly.iradyan@enlightngo.org
Լիլիթ Կարապետյան | Աշխատակազմի ղեկավար | lilit.karapetyan@enlightngo.org
- Website | Enlight Studies
- Facebook | Enlight Studies | Yerevan
- Linkedin | Enlight Studies | LinkedIn
- Instagram | Enlight_Studies (@enlight_studies)
- Youtube | Enlight Studies ” YouTube
- Telegram | https://t.me/enlightstudies